19 أبريل 2014

متفكرش كتيير .. !!



التفكير فى أن "الكمال لا يتجسد فى بشر وإن كان الكمال ظهر فى محمد فقط و أن الكمال وهم إنساني تصفه الاديان و الحقيقة فى ان الكمال هو لله وحده" قد يكون خطأ.
و ان كان المفكر يخاف من الموت و الموت شئ حتمى لا مفر منه و القيامة واقع مجهول و مفروض علينا و التفكير فى ان الحياة هى فحوة فارغة كالنفق الذى يؤدى الى المجهول, هو فى حد ذاتة بحث عن الكمال, ففى النفس العميقة للمفكر هناك ادراك ذاتى للتفكير فى ان الكمال هو المؤدى الوحيد للخلاص و إن كان ينكره.
ففى طبيعة البشر و الخلق وُجد الانسان للبحث الدائم عن الكمال و ان كان مستحيل الوصول اليه الا ان البشر من خصائصهم الحياتية هو البحث الدائم و المستميت عنه و ادراكهم اهميته حتى لو دنيويا لمجد حاضر او لاحق ليكون ساعيا لوهم حميد يخلو من الهدف السماوى.
ان المفكر او الباحث عن السر الاسمى فى حياته هو شخص جبان و مكتأب و وحيد بطبيعة حاله, فهو الوحيد الذى يفكر فى الكمال و صفاته و مساعيه مما يجعله وحيد أفكاره فلا يجد من يستر همه و لا يجد من يحاوره فى مبتغى افكاره, و يصبح خائفا من مستقبله مستأنسا بخوفه.
بطبيعة الحال فان الاديان بشكل عام توجه الانسان نحو الكمال الدنيوى و الروحى او السماوى و الكمال صفة موضعية للبشر منذ الولادة فيولد الانسان كامل كما خلقه, على الفطرة كما يعرف و تتداخل اليه بعض الاقدار و المواقف الحياتية و المشاعر الرغوة فيفقد كماليته حتى يسعى مجددا للكمال.
كل ما اريد ان اقول هو ان الكمال ما هو الا كلمة لا تفيد سوى الضعيف فالكمال الحقيقى هو النهاية و النهاية هى الوصول للمبتغى المقدر برحلة قد تكون مرهقة و طريقها وعر و تتسم بالاخطاء لكن النهاية او الوصول للغاية هى الكمال, صف وجهتك و تحرك و ان وصلت فاعلم انك كامل فانك لا ترجع خطوة سوى لتتقدم و لا تنس ان كلمتك انت هى العليا و ان تخطو بقدمك فوق رءوس الجميع.

21 ديسمبر 2013

علاج البقع الداكنة حول الفم و الوجه و الاماكن الحساسة و الجسم


الأسباب:


  • الالام الحادة و المزمنة و الدائمة (الصداع الدائم و الخصية و الاعصاب و العضلات و البطن)
  • الأكتآب
  • التدخين
  • التعرض لأشعة الشمس مدة طويلة
  • انخفاض درجة الحرارة فى الشتاء
  • آثار ما بعد الحروق و الجروح و حبوب الشباب
  • الاختلال الهرمونى من الدورة الشهرية و العادة السرية و اختلال وظائف الجهاز التناسلى (البقع فى الوجه و الاماكن الحساسة)
  • الاستحمام بماء ساخن ثم التعرض للهواء
  • الحساسية من المأكولات لو كانت تظهر لديك حساسية فى جسدك و انت صغير فى شكل بقع حمراء فقد تتحول الى شكل اخر وهو الاحمرار فى الوجه ثم تحوله الى ازرق و يجف مثل القشف (الفراولة و الشوكولاتة ألخ ...)

العلاج:


  • ليزر (أحمق)
  • فازلين - فيسودين - خلطة معلقة سكر او عسل مع ملعقتين ليمون (علاج بطئ)
  • جلسرين - خلطة معلقة سكر او عسل مع ملعقتين ليمون (علاج سريع)(أفضل)(ممكن خلطهم جميعا و وضعهم مخلوطين لكن الأفضل منفصلين)
  • استخدام Aloe Vera (للجفاف) مع Horsetail (للاحمرار) (علاج للوجه)
  • فى حالة الحساسية يفضل زيارة الطبيب و سيعطيك مضاد للتقشف حمضى و مضاد حساسية و مضاد بكترية و لا تحاول علاج الامر بنفسك فالعلاج الخاطئ قد يؤدى الى كارثة

ملحوظة:


  • شرب الكثير من الماء حوالى 4 ليتر يومياً
  • يجب التخلص من السبب اولا
  • قد يتم تقشير المكان فلا تقلق
  • العلاج السريع يعمل على اسبوع
  • العلاج يعمل على كل مناطق الجسم
  • يتم التنظيف بعد ان يجف العلاج
  • عدد مرات الأستخدام حسب الرغبة و ينظف المكان بين المرات
  • استخدام الصابون الطبى من الصيدلية

17 ديسمبر 2013

Video presents the reality about muslim brotherhood, rabaa square and the coup.


Video presents the reality about Muslim brotherhood, rabaa square and the coup
فيديو يقدم الحقيقة عن الأخوان المسلمين و ميدان رابعة و الإنقلاب

05 ديسمبر 2013

متى القاك؟

إلى متى سأبقى وحيدا قصراً من أجل أهداف حاضرة غائبة لا أراها مرساي قريباً .. لأجبر نفسى على الاعتقاد بأهميتها و لا افعل شيء للوصول لأى هدف من هذه الأهداف التي تفصل بيني و بينك.
انك حبى الأول و الأخير الذى أخاف على نفسى من خسارته دون ان أحاول ان أخطو اليه, خوفا من هواجس قد تكون كاذبة أو منافقة إلى نفسى أو حتى حقيقة, و ان كانت حقيقة فما الداعي من الخوف و الحياة قصيرة و الموت حالي و حال الجميع, أحبك حقاً و لا اعترف إلى نفسى خوفا من التورط فى ما ليس من حقي و انكر إلى نفسى حبك, إنها خيوط العنكبوت التي يبنى عليها مستقبلي انفر منها و قد تتشابك يوما مع خيوطك, أحبك منذ سنين أراقبك فى الخفاء دون ان اجد ما يطرب قلبي و يريح روحي الهائمة فى مناجاتك, إنما اخشى من فشلي و زريعتي عليك فقد أخفقت و لا ملام سواي و حبى اليك جنتي و مثواي, أغير واقعى حتى لا أراك و حبست نفسى بعيدا عن نسيمك العطر و شوقي لحزنك العميق, فما أحببت سواه و ان رأيت ابتسامة فهي غطاء لبكاء روحك, أحببت بك هذا الذى لا يراه الأخرون, أحببت الملكوت الدفين يا نور النور و ظلام الظلام .. أريح قلبي حتى أنام.



31 أكتوبر 2013

كارت شركة بايونير وكسب المال عن طريق النت, أكسب المال دون أى مجهود من المنزل Payoneer



شركة بايونير هى عبارة عن شركة زى بنك و زى QNET و شركات التسويق وكدة, بس بشكل بنكى و طريقة الكسب منها سهل, أنت بتعمل حساب و بعدين بتديك لينك و انت تنشره و لو واحد دخل عمل حساب عن طريق اللينك بتاعك بتكسب 25$ و العمل الحساب عن طريقك يكسب 25$ و كدة و لو عملت حساب عن طريق لينك بتاع حد بتكسبه و تكسب و لو عملته من الموقع على طول مش هتكسب ال 25$ الا عن طريق اللينك البيبقى مع حد.

طريقة عمل الحساب:


  • ادخل على اللينك التحت و اعمل حساب
  • اكتب كل المعلومات صح و احرص على كدة
  • متحطش رقمك الخاص عشان الشركة هتكلمك و بالانجلش و انت فى الانجلش على قدك
  • هيديك معاد و هيبعتلك الكارت ماستر كارد
  • بعد ما يوصل الخطاب هتلاقى سيريال فهتدخل على الموقع و تحط السيريال كدة انت فعلت الحساب و اخدت 25$
  • هتلاقى فى الصفحة الرئيسية بتعتك على اليمين ايقونة Login هتدوس عليها هيدخلك على صفحة فيها اللينك و هتنسخه
  • ابعته للتعرفهم يعملوا نفس الحوار و هتكسب على كل واحد 25$ بعد ما يسجلوا


08 أكتوبر 2013

خطبة سيدنا علي ابن ابي طالب كرم الله وجهه التي هي بدون نقاط


الحمد لله الملك المحمود المالك الودود مصور كل مولود ومال كل مطرود ساطع المهاد وموطد الاطواد ومرسل الامطار عالم الاسرار ومدركها ومدمر الاملاك ومهلكها ومكور الدهور ومكررها ومورد الامور ومصدرها عم سماحه وكمل ركامه وهمل وطاوع السؤال والامل واوسع الرمل وارمل احمده حمدا ممدودا واوحده كما وحد الاواه وهو الله لا اله للامم سواه ولا صادع لما عدله وسواه ارسل محمدا علما للاسلام واماما للحكام مسددا للرعاع ومعطل احكام ود وسواع اعلم وعلم وحكم واحكم واصل الاصول ومهد واكد الوعد و اوعد اوصل الله له الاكرام واودع روحه السلام ورحم آله واهله الكرام ما لمع رائل وملع دال وطلع هلال وسمع اهلال،اعملوا رعاكم الله اصلح الاعمال واسلكوا مسالك الحلال واطرحوا الحرام ودعوه واسمعوا امر الله وعوه وصلوا الارحام وراعوها وعاصوا الاهواء واردعوها وصاهروا اهل الصلاح والورع وصارموا رهط اللهو والطمع ومصاهركم اطهر الاحرار مولدا واسراهم سؤددا واحلاهم موردا وها هو امكم وحل حرمكم مملكا عروسكم المكرمه وما مهر لها كما مهر رسول الله ام سلمه وهو اكرم صهر اودع الاولاد وملك ما اراد وماسها مملكه ولا وكس ملاحمه ولا وصم اسال الله حكم احماد وصاله و دوام اسعاده و الهم كلا اصلاح حاله والاعداد لماله ومعاده وله الحمد السرمد والمدح لرسوله احمد.

10 سبتمبر 2013

عشان تعرف شخصية بنت

أول حاجة لازم تعرفها إن البنت لغز كبيير و إنها كائن مضطرب جدا في أحاسيسه و تكوين شخصيته، في ناس بتقول عشان الهرمونات .. ممكن بس خلينا في المهم أزاي تعرى شخصية بنت و تعرف هي عاملة أزاي و تنفعك و لا لأ و إذا كانت يمين و لا شمال، معلومة مهمة إن فى بنات بتحاول تعمل نفسها شمال و هي يمين يمين بس الجو الحوليها يخليها تعمل كده و العكس شمال يبينوا نفسهم يمين و عشان الطبقة الحوليهم برضك لكن كشف شخصيتهم سهل، و طبعا أنا بكلم العيال المش بتعط ... انا باكلم البيفهم
الخطوات بتعتمد على التواصل يا مباشر أو نت، أحنا في 2013 الطريقة مش مهمة .. المهم التواصل على الخطوات الجاية بالكلام معاها و أنت بتظهر نواحي معينة

الخطوات:


  • أول حاجة الجدية أتكلم معاها بجدية كذا مرة عشان تشوف جديتها و لو لقيتها بترد بهبل سيبك منها إلا لو بتحب الهبلة.
  • هرتل و قول أي هبل و شوف لو خدتك على قد عقلك تبقى موزونة و لو هرتلت زيك تبقى هبلة
  • هبل فى الكلام زي العيال الصغيرة و بعد كدة أتأسف زي العيال الصغيرة و بين إن كلامك جد و لو لقيتها مشيت مع هبلك تبقى هبلة
  • الغضب و دي آخر حاجة لما تبقى علاقتك بيها بقت مدة طويلة و بعد تنفيذ الفات كله و تكون علاقتك بيها قوية، هتستفزها قوى لو ردت عليك بزعيق و هرتلة يبقى فكك و لو قعدت تعيط تبقى هبلة

نصايح:


  • بين كل خطوة و خطوة سيب فترة حسب ما تشوف و لازم بعد كل خطوة تتعامل عادى و بجد و بشخصيتك عشان تغطى على الخطوات عشان اللغبطة الفيها
  • فى كل خطوة بتلاقى البنت حاجتين يا اما جد يا اما متجاوبة مع التجربة، و لو جد فى حاجتين يا اما هتطول الخطوة يا اما تفهم انها مش طيقة امك و تبعد، و لو طولت ممكن تتجاوب و ممكت تكره امك و لو شفتك بعد كدة هتعمل هندى .. حط كل ده فى دماغك ;)

01 سبتمبر 2013

حسن مراد .. يفكر

أحس بها تقترب منى بكل بطأ و حب و طمأنينة في ثوبها الأسود تحاول أن تقبلني القبلة التي ستحرر روحي من جسدي و عقلي من تفكيري، فتحت عيناي في تمنى لأنظر لها نظرة أخيرة قد تغفر لي ما مضى و ما تقدم، لم أجد سوى الظلام المحيط به قلبي ضعيف النبض، الظلام الذى يحوى أحزان و آلام و كره حياتي.
بين المشفق و الباكي على نفسى، وقفت تحت الدش أنظر لحالي و أفكر في ما وصلت إليه، برودة أطرافي و رعشة يدى أجرت في جسدي الاكتئاب و الحزن بعد الإحساس بلذة الحب و الغريزة، عشت مثل اللقيط دون أب ليرعاني و لا أم تسمعني كان كل ما يهمها المال، وقعت عيناي على مستقبلي المحتوم المكتوب بقلم من نار على ورق من هواء، بين الضياع و الفشل و لا أعلم حتى إن كنت سأنجح في الزواج أو حتى الخلفة.
هل سأجد اليوم الذى أرى به قطعة منى حية على الأرض تلهو و تلعب تحمل أسمى بعد أسمها .. حسن مراد .. و هل سأنجح فى ما فشل فيه أهلي؟!!

06 أغسطس 2013

اعتداء انصار مرسى على كنيسة بالمنيا 3/8/2013

الحصل فى الصعيد ده مش ظاهرة شاذة دى حاجة عادية بتحصل على طول، الفرق ان المرة دى كانوا رافعين صورة مرسى و اغلب المرات الفاتت بتبقى السبب للاسف المسيحيين او ده الاتقالى و مدير الامن يروح يخلصها فى قعدة و الكلام ده حصل بعد الثورة على طول على فكرة، انا فاكر لما كان مدرس العربى بيحكيلى من 5 سنين تقريبا مشكلة قديمة و كان فى عينيه غل و تشفى من المسيحيين.
عشان تحلها لازم يبقى فى هيبة للدولة و تواجد امنى ثلاث اضعاف ما كان قبل الثورة الاولى و ميكنش الامن فيه عناصر موطنها البلاد دى و النظام الاسبق كان بيكتم على الموضوع ديما، حدوث المشكلة دى دلوقت حاجة تعتبر عادية لكن صور مرسى و أعلام القاعدة هو الغريب.
للاسف المقولة الديما بتتقال ان الشعب المصرى شعب متسامح جملة ممنوعة من الصرف فى الطائفة دى من المجتمع المصرى، السبب فى تعصب الناس الهناك هو الوهابية برضك للاسف و على الرغم من فكرة حب الصعيد لآل البيت و الصوفية للاسف بتتبدد تدريجى و لوجود المشايخ الفتة البينشروا الفكر المتعصب اتجاه المسيحيين فبقوا شريحة كبيرة فى الصعيد و كان فى ناس راحت تتشفى و مش اخوان و مش من الشريحة السياسية و ده مش معناه براءة المسيحيين، للاسف برضك فى بعض القساوسة متعصبين و بيهيجوا الشباب المسيحى فالعملية تشتد و تسخن بس انا شايف انها نتيجة للبيعمله المسلمين، و حل الموضوع جزء كبير منه فى ايد الازهر لازم يفعل نفسه بشكل اكبر و يعمل اعادة تأهيل للشريحة دى و يبقى له تواجد دائم و مقر هناك ينظف امخاخ الناس الهناك مع الحل الامنى الكتبته.

05 أغسطس 2013

للتخلص من النمل و حماية النباتات المزروعة داخل المنزل من الحشرات

فى مشكلة بتظهر ان النبات الغى البيت يجيلو حشرات زى النمل أو حشرة المن البيضة.

الادوات:


  • سماد بوتاسيوم
  • حاجة غويطة زى طشط او جردل كبير

الطريقة:


  • عشان تتخلص من النمل هتحط الزرعة بالقصرية فى الطبق و تحط شوية بوتاسيوم فى الطبق جنب القصرية
  •  تحط ماء فى الطبق حول القصرية لحد ما تغرق القصرية لفوق النص بشوية مش زى الصورة عشان تسيب مجال للنمل يهرب و ياريت تحط المية بالتدريج عشان النمل يطلع مع المية واحدة واحدة و تكون دافية و تسيبها من نص ساعة لساعة و بعدين تغرقها زى الصورة
  • النمل هيهرب و بعدين تخرج القصرية و تسيبها فى البانيو تتصفى و تسيبها فى الشمس لحد ما تنشف
  • تستخدم مبيد من شركة زراعية حسب الوصفة بعد كدة لو عايز
  • بعد كدة تستخدم السماد البوتاسيوم حسب الوصفة
  • ممكن تنشفها بعد كل ده و تغير التربة ب 1Peatmoss + 1Sand (للنخل فقط)
ليه البوتاسيوم..؟ عشان النمل بيشيل المن عليه و يحطه فى الزرع يقوم يتغذى عليه و ينتج مادة سكرية يتغذى النمل عليها فالبوتسيوم يموَت المن فالنمل ميتغزاش و يمشى
خلى بالك .. حشرات يعنى مش بتروى الزرع صح، يعنى لازم التربة تنشف بين كل مرة
كدة انت اتخلصت من النمل و منعته يرجع تانى :)

26 يوليو 2013

مسبحة

اُعادى الذِكر و الثمن حياتى
و الموت نهايتى و مماتى
ما لى من الذّكر عداوةَ سوى اهله
ارى النقص فى العقلِ و الروحِ
ارى الكِبّر و التعنت فى القول
يا من تذكُر اسمائه و اياته
اعقل و تبين حكم ابياته
تعقل و تعلم دين عبّاده